Alıbekov Hamıtovpen qarymta kezdesý ótkizýge daıyn
ASTANA. QazAqparat - Qazaqstandyq erejesiz jekpe-jek sheberi Qýat Hamıtov tóreshilerdiń sheshimimen Fight Nights dárejesi boıynsha álem chempıony, reseılik Magomedsaıgıd Alıbekovke jeńilgen bolatyn, dep jazady Sports.kz.
Alaıda jekpe-jek aıaqtalysymen Hamıtov óziniń qarsylasyna Almatyda qarymta kezdesý ótkizý týraly ótinish jasady.
«Qýat, men qarymta kezdesý ótkizýge daıynmyn. Alaıda bul tek maǵan ǵana baılanysty emes. Uıymdastyrýshylar bar, olar qandaı sheshim qabyldaıdy, bári soǵan baılanysty»,-dedi Alıbekov.
Osyǵan deıin habarlanǵanyndaı, Vladıvostokta Fight Nights Global 63 erejesiz jekpe-jek keshi ótti. Onyń basty oqıǵasy qazaqstandyq Qýat Hamıtov pen (17-4-1) reseılik Magomedsaıgıd Alıbekovtyń (7-0) kezdesýi bolatyn.
Jekpe-jek «5 mınýttan 5 raýnd» formaty boıynsha ótti.
