Álibek Qýantyrov: McDonald's-tiń Qazaqstannan ketýi eldegi et sapasyna ólshem emes

ASTANA. QazAqparat – Ulttyq ekonomıka mınıstri Álibek Qýantyrov McDonald's kompanııasynyń Qazaqstannan ketýi eldegi et sapasyna ólshem bola almaıtynyn aıtty, dep habarlaıdy QazAqparat tilshisi.

«McDonald's-tiń ketýi bizdegi et ónimderin usynatyn fermalardyń deńgeıi tómen degendi bildire me?», - dep surady jýrnalıst mınıstrden.

Álibek Qýantyrov mundaı tujyrymmen kelispeıtinin aıtty.

«Men sizge deńgeı tómen dep aıtpaımyn. Óıtkeni másele qazaqtar etti ejelden óńdemeı jegen. ıAǵnı, fast-fýd tutynbaǵan. Sáıkesinshe, qazir álemde bar standarttar ol kezde bolǵan joq. Naqtyraı aıtsaq, ettiń qurylymy, talshyqtary, quramy, maılylyǵy boıynsha qazirgideı talap bolmaǵan. Ondaı jekelegen standarttar kóp. Árbir kompanııanyń óz standarty bar. Solarǵa arnaıy sapa standartyn ázirleý kerek. Sondyqtan másele qazaqstandyq et óńdeýshilerdiń sapasynda emes, naqty McDonald's talaptaryna mamandanbaǵan dep oılaımyn», - dedi vedomstvo basshysy.

Foto: TNS via Getty Images