Álibek Qýantyrov kásipkerlikti «Taza paraqtan» retteý sharalaryn atady
«Taza paraqtan» retteýdi engizý jumysy boıynsha 2022-2023 jyldarǵa arnalǵan jospar-keste daıyndaldy. Jospar uıymdastyrýshylyq sıpattaǵy barlyq sharalardy, oryndaý merzimderi men kezeńderin, sondaı-aq jaýapty memlekettik organdardy kózdeıdi», - dedi vedomstvo basshysy.
Aıtýynsha, mınıstrlik memlekettik organdardy bıznesti retteýdiń jańa tásilderine oqytý úshin sarapshylar quramyn qalyptastyrdy. Bul oqytý bir aı boıy júrgizilmek.
«Qazirgi tańda memlekettik organdar retteýshilik aktilerdiń jańa retteýshilik saıasatqa sáıkestigin qaıta qaraý júrgizý úshin salalyq jumys toptaryn quryp jatyr.
Bıylǵy naýryzdyń sońyna deıin memlekettik organdar jumys toptarymen birlesip, tizilimge engizý úshin jetekshilik etetin salalar boıynsha retteý aktileriniń tizbesin qalyptastyrady», - dedi Álibek Qýantyrov.
Onyń sózine qaraǵanda, bıyl 30 naýryzdan bastap jańa retteýshilik saıasatqa sáıkestik boıynsha qoıylatyn talaptarǵa taldaý júrgizilmek.
«2021 jyly aldyn ala 424 quqyqtyq aktiler qaralǵanyn atap ótken jón. Onda shamamen 17 558 talap belgilengen. Onyń 40%-dan astamy jańa tásilderine sáıkes kelmeıdi», - dedi mınıstr.