Álibek Qýantyrov ekonomıkaǵa ınflıatsııalyq qysymdy tómendetýge qalaı qol jetkizilgenin aıtty
«Ótken jyldan bastap ınflıatsııanyń ósýi negizgi makroekonomıkalyq tendentsııalardyń biri bolyp tabylady. Inflıatsııanyń negizgi faktor - álemdegi azyq-túlik baǵasynyń ósýi. Bul jahandyq pandemııadan keıin logıstıkalyq tizbekterdiń qalpyna kelýiniń áli de jalǵasyp jatqanynyń nátıjesi sanalady. Nátıjesinde, 2021 jyly álemniń negizgi ekonomıkalarynda ınflıatsııanyń rekordtyq kórsetkishteri baıqaldy. Qazaqstanda da 2021 jyly ınflıatsııalyq jaǵdaıdyń nasharlaýy sezildi. Ótken jyldyń qyrkúıeginde ınflıatsııa bir jyl ishinde eń joǵary mánderge jetti. Inflıatsııanyń jedeldeýine azyq-túlik taýarlary, onyń ishinde áleýmettik mańyzy bar azyq-túlik taýarlary negizgi úles qosty», - dedi mınıstr.
Onyń atap ótýinshe, baǵanyń ósýin tejeý maqsatynda ótken jyldyń qyrkúıeginde 2021-2024 jyldarǵa ınflıatsııaǵa qarsy den qoıý is-sharalarynyń kesheni qabyldandy. Ol jedel jáne orta merzimdi is-sharalardan turady. Olar baǵanyń ósýin tejeýdi, sondaı-aq bekitilgen nysanaly dálizde ınflıatsııa qarqynyn ustap turýǵa baǵyttalǵan júıeli is-sharalardy kózdeıdi.
«Іs-sharalar keshenin iske asyrý qorytyndylary boıynsha ekonomıkaǵa ınflıatsııalyq qysymdy tómendetýge qol jetkizildi. Onyń nátıjesinde 2021 jylǵy jeltoqsanda ınflıatsııa qyrkúıektegi eń joǵary mándermen salystyrǵanda 0,5 paıyzdyq tarmaqqa baıaýlady. Al basqa elderde ınflıatsııa qarqyny ósý úrdisin jalǵastyrdy», - dedi Álibek Qýantyrov.
