Álibek Qýantyrov ekonomıka ósimin arttyrý boıynsha birneshe usynys aıtty
ASTANA. QazAqparat – Ulttyq ekonomıka mınıstri Álibek Qýantyrov Úkimet otyrysynda ákimdikter men mınıstrlikterge ekonomıkanyń ósý qarqynyn arttyrý baǵytynda birneshe usynys aıtty, dep habarlaıdy QazAqparat tilshisi.
«Aýyl sharýashylyǵynyń jalpy shyǵarylymy 8,2% ulǵaıdy. Saladaǵy óndiristiń oń ósimi 16 óńirde tirkeldi. Eń joǵarǵy ósimdi Qostanaı, Aqmola, Mańǵystaý jáne Soltústik Qazaqstan oblystary kórsetti.
7 ekonomıkalyq kórsetkish boıynsha óńirler arasyndaǵy jalpy jaǵdaı mynadaı:
Barlyq kórsetkishter boıynsha oń ósim 7 óńirde – Qostanaı, Aqmola, Jambyl, Shyǵys Qazaqstan, Qyzylorda oblystarynda, sondaı-aq Almaty jáne Shymkent qalalarynda baıqaldy», - dedi mınıstr.
Onyń paıymynsha, ortalyq jáne jergilikti atqarýshy organdarǵa kelesi sharalarǵa nazar aýdarý kerek.
1. Áleýmettik mańyzy bar azyq-túlik taýarlaryna baǵa dınamıkasynyń monıtorıngin kúsheıtý jáne olardyń qoljetimdiligin qamtamasyz etý úshin keshendi sharalar qabyldaý;
2. Investorlardy súıemeldeý jumystaryn barlyq deńgeıde qolǵa alý;
3. Ónerkásipte josparly kórsetkishterge qol jetkizý jónindegi is-sharalardy pysyqtaý jáne áleýetti máselelerdi sheshýde jedel kómek kórsetý;
4. Otandyq óndiris taýarlaryn jetkizýdiń josparlanǵan kólemine qol jetkizýdi qamtamasyz etý úshin eksporttaýshylardy qoldaýdyń qoljetimdi sharalaryn ilgeriletý;
5. Bıznestiń suranystaryna ýaqtyly jaýap berý jáne onyń qyzmetin júrgizý úshin qolaıly jaǵdaılardy qamtamasyz etý.
Foto: t.me/Kzgovernment
