Álibek Qýantyrov: Bizde olıgarhııalyq ekonomıka joq, biraq deolıgarhızatsııa júrip jatyr

ASTANA. QazAqparat – Ulttyq ekonomıka mınıstri Álibek Qýantyrov Májilis kýlýarynda BAQ ókilderine bergen suhbatynda Qazaqstan ekonomıkasynyń olıgarhııalyq sıpaty týraly pikir bildirdi, dep habarlaıdy QazAqparat tilshisi.

«Bizde olıgarhııalyq ekonomıka bar dep aıtpas edim. Óıtkeni ekonomıkadaǵy orta bıznestiń úlesi qazirdiń ózinde 36,5 paıyz bolyp tur, jaqsy ósip keledi. Al uzaq merzimge beriletin, arzan aqshanyń jetpeı jatqany týraly aıtsaq, aqsha árdaıym jetpeıdi», - dedi mınıstr.

Onyń aıtýynsha, eldegi negizgi jumys berýshiler – shaǵyn jáne orta bıznes.

«Bizdiń ekonomıka olıgarhtar ekonomıkasy emes. Sebebi olıgarh degen – úlken bıznesi bar jeke kásipker. Árıne, qazir deolıgarhızatsııa, demonopolızatsııa baǵytynda jumys istelip jatyr.

Búgingi tańda 4,1 mln adam shaǵyn jáne orta bızneste jumys istep jatyr. Bir jyl buryn 200 myń adamǵa tómen bolǵan», - dedi Álibek Qýantyrov.