«Álibek qoryqpa»: Elordalyq polıtseıler tereze aldyndaǵy sábıdi qutqardy
Nur-Sultan qalalyq Polıtsııa departamentiniń málimetinshe, qala turǵyndarynyń biri 102 nómirine qońyraý shalyp, E-16 kóshesi boıyndaǵy turǵyn úı páteriniń birinde ashyq turǵan terezege kishkentaı bala shyǵyp alǵanyn, jylap anasyn shaqyratyndyǵyn jáne onyń qulap ketý qaýpi bar ekendigin habarlaǵan. Oqıǵa ornyna patrýldik polıtsııa ekıpajy jiberilgen. Polıtsııa kapıtany Ádilet Dalabaev pen aǵa leıtenant Áýelhan Mutalhan 4-shi qabattaǵy páterdi birden tapqanymen esigi syrtynan jabyq bolǵan.
«Olar balany sózge aınaldyryp, páterdiń ishine kirgize aldy jáne esiktiń syrtynan sábımen sóılesip, kóńilin aýlaýǵa tyrysqan. 6 jasar bala úıde jalǵyz qalǵan ári óte qorqatyndyǵyn aıtqan. Osy ýaqytta polıtsııa qyzmetkerleri páterdiń jalǵa berilgendigin anyqtap, qojaıynyna qońyraý shalǵan. Olar dereý jetip, esikti ashyp berýin ótinedi. Páterge kirgen polıtsııa qyzmetkerleri balanyń din-aman ekendigine kóz jetkizgennen keıin osy ýaqytta úıine qaraı asyǵyp kele jatqan anasyn kútti. Bala aman-esen ata-anasyna tapsyryldy. Olarǵa balany aldaǵy ýaqytta jalǵyz qaldyrmaý týraly eskertý jasaldy»,- dep atap ótedi departamentten.
