Álıakpar Mátishev «KAZENERGY» qaýymdastyǵynyń atqarýshy dırektory qyzmetine taǵaıyndaldy
ASTANA. Naýryzdyń 2-si. QazAqparat - «KAZENERGY» Qazaqstandyq munaı-gaz jáne energetıkalyq keshen uıymdary qaýymdastyǵy» tóraǵasy Tımýr Qulybaevtyń buıryǵymen «KAZENERGY» qaýymdastyǵynyń atqarýshy dırektory qyzmetine Álıakpar Mátishev taǵaıyndaldy,
dep habarlady qaýymdastyqtyń baspasóz qyzmeti.
Álıakpar Bolatuly Mátishev 1962 jyly qańtardyń 23-inde týǵan. Qaraǵandy polıtehnıkalyq ınstıtýtyn ınjener-mehanık mamandyǵy boıynsha jáne Qazaq memlekettik basqarý akademııasyn ekonomıst dıplomymen bitirdi.
1988-1990 jyldary Á.Mátishev Jezqazǵan qalasynda partııalyq-memlekettik basqarý salasynda ártúrli qyzmetter atqardy, odan ári óndiriste jumys jasady jáne birqatar bıznes-qurylymdardy basqardy. Astana qalasy boıynsha Tabıǵı monopolııalardy retteý, básekelestikti qorǵaý jáne shaǵyn bıznesti qoldaý komıteti tóraǵasynyń orynbasary boldy. 2005 jylǵa deıin QR Tabıǵı monopolııalardy retteý agenttiginiń básekelestikti qorǵaý jáne shaǵyn bıznesti qoldaý jónindegi Astana qalasy boıynsha departamentin basqardy. 2005-2008 jyldary - QR Indýstrııa jáne saýda mınıstrliginiń básekelestikti qorǵaý komıtetiniń tóraǵasy.
Jańa qyzmetke taǵaıyndalǵanǵa deıin Á.Mátishev QR Básekelestikti qorǵaý agenttiginiń «Damý jáne básekelestik saıasatyn qorǵaý ortalyǵy» AQ prezıdenti boldy.
