Áli talaı bıikterdi baǵyndyramyz - Ilıa Ilın birneshe jyldyq úzilisten keıin
ASTANA. QazAqparat - Birneshe jyl úzilisten keıin dál búgin Qazaqstan chempıonatynda tuǵyrǵa kóterilgen álemniń tórt dúrkin chempıony Ilıa Ilın jankúıerlerge alǵysyn bildirdi, dep habarlaıdy QazAqparat tilshisi.
«Mine, meniń kópten kútken altyn medalim. Búgin men ony utyp aldym. Maǵan qoldaý bildirip kele jatqan, maǵan árdaıym sáttilik tilegen, qasymda bolǵan barlyq dostaryma rahmet aıtqym keledi. Men Sizderge zor alǵysymdy bildiremin. Bul - bizdiń barlyǵymyzdyń ortaq jeńisimiz. Bul bizdiń jetistikterimizdiń basy ǵana dep oılaımyn. Budan da zor medaldar bolady. Ne aıtqym keldi? Búgin meniń alǵashqy startym. Men oraldym. Endi ary qaraı jumysty jalǵastyra beremiz. Ary qaraı Álem chempıonaty sodan keıingi maqsat - árıne, Olımpıada oıyndary. Qymbatta dostarym, Sizderdiń barlyqtaryńyzǵa taǵy zor alǵysymdy aıtamyn. Barlyqtaryńyzdy jaqsy kóremin», - dedi Feısbýktegi «Qyzyqty stýdııa» tobynda taraǵan vıdejoldaýda Ilıa Ilın.
Eske sala ketsek, qazaqstandyq ziltemirshi, Álemniń tórt dúrkin chempıony Ilıa Ilın búgin 2018 jylǵy Qazaqstan chempıonatynyń jeńimpazy atanǵan bolatyn. Ilın 102 kelige deıingi salmaq dárejesinde Taldyqorǵanda ótken el birinshiligin jeńip aldy. Ilın 172+208 keli ziltemirlerdi julqı kóterýden Álisher Orazbek pen Eldar Sembaevty artqa tastap, eń joǵary nátıje kórsetti.
