Alı Larıdjanı Iran Ulttyq qaýipsizdik keńesiniń hatshysy bolyp taǵaıyndaldy

ASTANA. KAZINFORM – Iran prezıdenti Masýd Pezeshkıannyń jarlyǵymen Alı Larıdjanı Ulttyq qaýipsizdik joǵary keńesiniń hatshysy bolyp taǵaıyndaldy, dep habarlaıdy Kazinform IRNA agenttigine silteme jasap.

Bul qyzmetti buǵan deıin Álı Akbar Ahmadıan atqarǵan bolatyn. 

Eske salaıyq, Irannyń Ulttyq qaýipsizdik joǵary keńesi qorǵanys strategııalaryn ázirleıtin jáne qarýly kúshterdiń múmkindikterin ortalyqtandyratyn, kúsheıtetin Qorǵanys keńesin qurýdy maquldady. 

Onyń negizgi mindetteri qorǵanys josparlaryn baǵalaý, uzaq merzimdi áskerı tásilderdi ázirleý jáne qarýly kúshterdiń tıimdiligin arttyrý bolmaq. 

Keńesti Iran prezıdenti Masýd Pezeshkıan basqarady. Onyń quramyna bıliktiń úsh tarmaǵynyń, eldiń joǵary áskerı qolbasshylyǵynyń basshylary, sondaı-aq tıisti mınıstrlikterdiń ókilderi kiredi.

Eske sala keteıik, buǵan deıin Iran ulttyq valıýtasyn denomınatsııalaıtynyn habarlaǵan edik. 

Sondaı-aq taıaýda Iranda jańa qorǵanys keńesi quryldy.