Álı Bektaev «Rýhanı jańǵyrý» jaıly: Pragmatızm ózimizden bastalýy kerek
«Jalpy, «Rýhanı jańǵyrý» baǵdarlamasy sheńberinde shynynda da, birshama jumystar qolǵa alynyp, naqty jobalar iske asyrylyp jatyr. Qanshama kitap qazaq tiline aýdaryldy, oqyrmanǵa jetti. Kásipkerler de baǵdarlamaǵa belsendi atsalysa bastady. Áıtse de, áli de «Rýhanı jańǵyrý» baǵdarlamasyna ult bolyp, halyq bolyp, ásirese jastar atsalysyp jatsa – quba-qup bolar edi. Sonda ǵana biz rýhanı jańǵyrýdyń bıigine shyǵa alamyz, baǵdarlamanyń pármendi sharalaryn atqarýǵa qol jetkizemiz. Bul árbir azamattyń sanasynyń ózgerýine baılanysty. Sebebi, pragmatızm degenimiz – bizdiń ulttyq qundylyqtarymyz ben baılyǵymyzǵa óte úlken jaýapkershilikpen qaraý degen sóz. Eger óziniń otbasyna, tirshiligine, dúnıesine jaýapkershilikpen qaraı almasa ol memlekettiń de baılyǵyna jaýapkershilikpen qaraı almaıdy. Sondyqtan, bizdiń sanamyzdaǵy eń basty másele – ózimizdiń otbasymyzdan bastalǵan qundylyqtarymyzdy jóndeý», - dedi Álı Bektaev Ulttyq komıssııa otyrysynan keıin tilshilerge.
Senatordyń aıtýynsha, qazir árbir adam tapqan tabysyn, jetken jetistigin mindet qylmaı, óziniń otbasyna, balalarynyń tárbıesine, memleket pen táýelsizdik qundylyqtaryn arttyrýǵa qyzmet etýi kerek.
«Búgingi tańda bizdiń ulttyq baılyǵymyz – táýelsizdik. Mine, biz osyny saqtaımyz desek, ózimizge óte úlken jaýapkershilikpen qaraýymyz kerek. Pragmatızm ózimizden bastalýy kerek. ıAǵnı, memleketimizge janashyrlyq tanytý úshin eń aldymen, urpaqqa, jastarǵa janashyrlyq tanytýǵa tıispiz. Bizdiń memlekettik organdardyń tarapynan da sanany ózgertý, rýhanı jańǵyrý, sananyń jańǵyrýyn mektepten, balabaqshadan bastasa, óte oryndy bolar dep esepteımin», - dedi ol.
Eske sala ketsek, búgin Aqordada Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen «Rýhanı jańǵyrý» baǵdarlamasy boıynsha ulttyq komıssııa otyrysy ótip, Aqparat jáne qoǵamdyq damý mınıstri Dáýren Abaev baǵdarlamanyń 2020 jylǵa arnalǵan jańa josparyn tanystyrǵan bolatyn.
