Álı Baloev ózin nokaýtqa túsirgen Reseı sportshysymen qarymta kezdesý ótkizedi

ASTANA. QazAqparat – Qazaqstandyq aýyr salmaqtaǵy boksshy Álı Baloev (12-1, 8 KO) kelesi jekpe-jegin 18 naýryzda ótkizedi, dep habarlaıdy QazAqparat Sports.kz-ke silteme jasap.

BoxRec.com saıtynyń habarlaýynsha, Álı Baloevtyń kelesi qarsylasy - ótken jyldyń qyrkúıeginde Máskeýde ótken Hardcore Boxing týrnıri aıasynda qazaqstandyq boksshyny tehnıkalyq nokaýtpen jeńgen reseılik Kýreısh Sagov.

Baloev pen Sagovtyń jekpe-jegi Dýbaıda (BAÁ) ótedi dep kútilýde.

Hardcore Boxing lıgasynda Álı Baloev sońǵy úsh jekpe-jegin ótkizdi – Sagovtan jeńilmes buryn qazaqstandyq eki jeńiske jetti (tehnıkalyq nokaýtpen jáne tóreshilerdiń biraýyzdan sheshimimen).

Foto: sports.kz