Álı Álıev «Jeńis» fýtbol klýbynyń tizginin ustady

ASTANA. KAZINFORM -  Elordalyq «Jeńis» fýtbol klýbynyń tizginin tájirıbeli maman Álı Álıev ustady.

Bul jóninde komandanyń baspasóz qyzmeti málim etti.

Álı Álıev 1980 jyly dúnıege kelgen. Ol fýtbolshylyq mansabyn 1998 jyly Almatynyń TsSKA-«Qaırat» komandasynan bastap, odan keıin elimizde Almatynyń «Qaırat», «Ertis», «Tobyl», «Vostok», «Ordabasy», Túrkııanyń «Akchaabat Sebatspor», «Kaıserı Erdjıesspor», «Kartalspor», «Dııarbakyrspor» klýbtarynyń namysyn qorǵady. 2015-2018 jyldarda «Qyzyljar» sapynda oıyn kórsetip, odan keıin komanda tizginin qolǵa aldy.

Bıyl Qazaqstan ulttyq quramasynda bas bapker bolyp, bes týrdan keıin qyzmetinen ketti.

Andreı Demchenko «Jeńis» fýtbol klýby bas bapkeri qyzmetinen ketti.

Ol astanalyq komanda tizginin jazda ustap, grekııalyq Akıs Vavalısti almastyrǵan edi.

Sodan beri «Jeńis» 17 kezdesýdiń 8-de jeńiske jetip, 6-da teń nátıjege qanaǵat bildirse, 1-de qarsylasyna ese jiberdi. Nátıjesinde elordalyq klýb 36 upaımen altynshy orynǵa taban tiredi.