Alı Ahmetov kelesi jekpe-jegin Londonda ótkizedi
ASTANA. QazAqparat - Qazaqstandyq kásipqoı boksshy Alı Ahmedov kelesi kezdesýin Ulybrıtanııa astanasy London qalasynda ótkizedi, dep habarlaıdy QazAqparat tilshisi.
Bul týraly boksshynyń «VKontakte» áleýmettik jelisindegi resmı paraqshasynda habarlandy.
Onda "Ahmetov 11 naýryz kúni óziniń kásipqoı mansabyndaǵy altynshy kezdesýin Ulybrıtanııa astanasy London qalasynda ótkizedi. Tolyǵyraq aıta ketsek, kezdesý 8 raýndtyq jartylaı aýyr salmaqta (79,3 keli - 175 fýnt) ótedi. Qarsylasy əzirshe belgisiz. Alı jatyǵýlaryn pysyqtap, talmaı eńbek ótýde", - dep jazylǵan.
Esterińizge sala keteıik, boksshy sońǵy besinshi kezdesýin Polshada ótkizip, belarýstyq Vladımır Harkevıchti upaı sanymen jeńgen bolatyn. Al onyń aldynda tórtinshi jekpe-jegin Almatydaǵy Qanat Islam men Patrık Alloteı arasyndaǵy boks keshinde ótkizgen edi. Ol ázerbaıjandyq Alı Mammedovty birinshi raýndta-aq jeńdi. 21 jastaǵy qazaqstandyq kásipqoı boksta 5 kezdesý ótkizip úlgerdi. Onyń barlyǵynda qarsylasynan basym tústi.
Foto: Vesti.kz
