Álı Ahmetov kásibı rıngtegi altynshy jeńisine qol jetkizdi
ASTANA. QazAqparat - Qazaqstandyq boksshy Álı Ahmetov (6-0, 5 KO) Polshanyń Semıatych qalasynda jartylaı aýyr salmaqta gambııalyq Patrık Mendıge (17-12-2, 1 KO) qarsy jekpe-jek ótkizdi, dep habarlaıdy Sports.kz.
Ahmetov tóreshilerdiń biraýyzdan qoldaýynyń arqasynda (kezdesý segiz raýndtyq formatta ótti) jeńiske jetti.
Aıta keteıik, atalmysh boks keshi aıasynda taǵy bir qazaqstandyq boksshy Alı Baloev (2-0, 2 KO) birinshi raýndta polıak Artýra Navrotskıdi (1-2) nokaýtqa túsirgen bolatyn.
