Álı Ahmedov jeńilip kórmegen amerıkalyqpen judyryqtasady
ASTANA. QazAqparat - Jartylaı aýyr salmaqta óner kórsetip júrgen qazaqstandyq boksshy Álı Ahmedov (9-0, 7KO) 8 jeltoqsan kúni AQSh-ta kezekti jekpe-jegin ótkizedi, dep habarlaıdy QazAqparat.
BoxRec portalyndaǵy málimetterge qaraǵanda, Ahmedov jeńilis dámin tatyp kórmegen jergilikti boksshy Deshon Ýebstermen (9-0, 6KO) judyryqtasady.
Otandasymyz WBC nusqasy boıynsha jastar arasyndaǵy álem chempıony (WBC Youth World Light Heavyweight Title) jáne Soltústik Amerıka chempıony (NABF) belbeýin qorǵaıdy. Boks keshi AQSh-tyń Tehas shtaty Raýnd-Rok qalasyndaǵy Round Rock Sports Center-de ótedi.
Aıta keteıik, Ahmedov sońǵy kezdesýin 9 qyrkúıek kúni Astana qalasynda ótkizip, amerıkalyq Djastın Tomasty segizinshi raýndta tehnıkalyq nokaýtpen jeńgen bolatyn.
