Álı Ahmedov jastar arasynda WBC tıtýlyn jeńip aldy
ASTANA. QazAqparat - AQSh-tyń Ostın qalasynda Álı Ahmedov kásipqoı bokstaǵy 8-shi kezdesýin ótkizdi, dep jazady prosports.kz.
Qazaqstandyq boksshynyń qarsylasy amerıkalyq Kertıs Hıll bolǵan. Qos boksshy da buryn sońly jeńilip kórmegen.
On raýndqa josparlanǵan jekpe-jektiń tórtinshi kezeńinde Álı qarsylasyn aýyr nokaýtqa jiberdi. Osylaısha, otandasymyz jastar arasynda WBC tujyrymy boıynsha álem chempıony tıtýlyn jeńip aldy.
Osylaısha, Ahmedov kásipqoı bokstaǵy segizinshi jeńisine qol jetkizip otyr. Onyń altaýyn nokaýtpen aıaqtaǵan. Al buǵan deıin ózi ótkizgen on kezdesýdiń bárin jeńgen Kertıs Hılldiń enshisinde en bir jeńilis bar.
