Álı Ahmedov WBC belbeýi úshin sharshy alańǵa shyǵatyn boldy
ASTANA. QazAqparat - Qazaqstandyq kásipqoı boksshy Álı Ahmedov 19 tamyzda WBC belbeýi úshin kezekti aıqasyn ótkizedi, dep habarlaıdy QazAqparat tilshisi.
Bul týraly ol óziniń vk.com jelisinde habarlady.
Otandasymyzdyń qarsylasy amerıkalyq boksshy kishi Kertıs Hıll (10-0, 5 KO).
Jekpe-jek AQSh-tyń Tehas shtatyndaǵy Ostın qalasynda ótedi.
Esterińizge sala keteıik, qazaqstandyq boksshy Álı Ahmedov osyǵan deıin jeti kezdesý ótkizip barlyǵynda jeńiske jetken. Onyń beseýin merziminen buryn aıaqtaǵan. Ol bul jekpe-jekten keıin 9 qyrkúıek kúni elordamyz Astana qalasynda ótetin boks keshinde de óner kórsetedi.
