Álı Ahmedov kezekti jekpe-jegin AQSh-ta ótkizedi

NUR-SULTAN. QazAqparat – Ekinshi orta salmaqtaǵy qazaqstandyq boksshy Álı Ahmedov (16-1, 12KO) kelesi jekpe-jegin 12 naýryzda ótkizedi, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» akkaýntyna silteme jasap.

BoxRec portalynyń aqparatyna sáıkes, 25 jastaǵy Álı Ahmedov 33 jastaǵy amerıkalyq Skot Sıgmonǵa (34-14-1, 17KO) qarsy aıqasady. Kezdesý Plant-Sıtıde (AQSh, Florıda shtaty) ótedi jáne 10 raýndqa eseptelgen.

Eske salsaq, qazaqstandyq profı munyń aldyndaǵy jekpe-jegin 2020 jyldyń 18 jeltoqsanynda Gollıvýdte ótkizip, ekvadorlyq Karlos Gongoradan (19-0, 14KO) jeńilgen edi.

Sondaı-aq atalmysh akkaýnttyń habarlaýynsha, qazaqstandyq taǵy bir kásipqoı boksshy Álı Baloev (10-0, 7KO) 27 aqpanda rıngke oralady. Jeńilip kórmegen birinshi orta salmaqtaǵy sportshy Almatyda MTK Kazakhstan ótkizetin boks keshinde óner kórsetedi. Qarsylasy – 39 jastaǵy reseılik Denıs Tsarıýk (12-4, 10KO).

Á.Baloev keıingi aıqasyn Almatyda tamyz aıynda ótkizgen bolatyn. Ol tóreshilerdiń biraýyzdy sheshimimen belarýs ıÝrıı Byhovtsevti jeńdi.