Álı Ahmedov kásipqoı bokstaǵy besinshi jekpe-jegin ótkizedi
ASTANA. QazAqparat - Osyǵan deıin 4 jekpe-jek ótkizip, onyń barlyǵyn ýaqytynan buryn aıaqtaǵan Álı Ahmedov 5-shi aıqasyn ótkizýge daıyn, dep habarlaıdy QazAqparat tilshisi.
Ol sporttyq mansabyndaǵy besinshi jekpe-jegin 9 jeltoqsan kúni, Polsha jerinde ótkizedi. Qarsylasy - latvııalyq 20 jastaǵy Edýards Gerasımovs. Gerasımovs osyǵan deıin kásipqoı boksta 17 kezdesý ótkizip, 6-da ǵana jeńiske jetken. 10 jekpe-jeginde jeńilip, 1 kezdesýin teń aıaqtaǵan.
Al bizdiń jerlesimiz Álı Ahmedov sońǵy jekpe-jegin Almatydaǵy Qanat Islam men Patrık Alloteı arasyndaǵy boks keshinde ótkizgen bolatyn. Onda Ahmedov ázerbaıjandyq Mammedovti birinshi raýndta jarys jolynan shyǵarǵan bolatyn.
