Álı Ahmedov IBF reıtınginiń TOP-bestigine endi

ASTANA. QazAqparat – Halyqaralyq boks federatsııasy (IBF) barlyq salmaq dárejesindegi boksshylardyń jańartylǵan reıtıngin jarııalady, dep habarlaıdy QazAqparat kazproboxing paraqshasyna silteme jasap.

Atalǵan reıtıngidegi Qazaqstan boksshylarynyń pozıtsııasyn usynamyz:

Ekinshi orta salmaqta Álı Ahmedov altynshy orynnan besinshige kóterildi. Bul dıvızıonda chempıondyq tıtýl meksıkalyq Saýl «Kanelo» Alvareske tıesili. Lıderler úshtiginde, sondaı-aq kýbalyq Ýılıam Skall, reseılik Vladımır Shıshkın men amerıkalyq Edgar Berlanga bar.

Orta dıvızıonda Meıirim Nursultanov jetinshi orynda qaldy. Bul salmaqtaǵy IBF-tiń álem chempıony ataǵy bos tur. Reıtınginiń birinshi pozıtsııasynda brazılııalyq Eskıva Falkao tur. Odan keıin aýstralııalyq Maıkl Zerafa men nemis boksshysy Vınchentso Gýalterı ornalasqan.

Ekinshi jartylaı jeńil kategorııadaǵy Sultan Záýirbek 14-inshi orynda qaldy. Bul salmaqta álem chempıony – tájikstandyq Shavkat Rahımov. Reıtınginiń alǵashqy eki pozıtsııasy bos tur. Úshinshi orynǵa brıtanııalyq Djozef Kordına ornalastyrylǵan.