Álı Ahmedov Golovkınniń jańa bapkerimen jattyǵatyn boldy

NUR-SULTAN. QazAqparat - Qazaqstandyq kásipqoı boksshy, GGG Promotions klıenti Álı Ahmedov Gennadıı Golovkınniń jańa bapkeri Djonatan Benkspen jattyǵatyn boldy, dep habarlaıdy QazAqparat tilshisi.

Bul týraly «Qazaqstan kásipqoı boksy» vkontakte.ru paraqshasynda habarlady.

«WBC álem chempıony tıtýlynyń jastar arasyndaǵy ıegeri Álı Ahmedov Gennadıı Golovkınniń jańa bapkeri - amerıkalyq Djonatan Benkspen Kalıfornııa shtatynda jattyǵady», - delingen habarlamada.

Eske sala ketsek, osydan birneshe kún buryn Gennadıı Golovkın óziniń jańa bapkerin tanystyrǵan bolatyn. Benkske deıin Golovkın toǵyz jyl Abel Sanchespen birlesip jumys istedi. 8 maýsym kúni Nıý-Iorkte ótetin Stıv Rollspen jekpe-jek 36 jastaǵy amerıkalyqtyń GGG-diń jattyqtyrýshysy retindegi alǵashqa aıqasy bolmaq.

Al Álı Ahmedov Golovkın-Rolls aıqasynyń anderkartynda sharshy alańǵa shyǵady.