Álı Ahmedov ekvadorlyq Karlos Gongoradan jeńilip qaldy

NUR-SULTAN. QazAqparat - AQSh-tyń Florıda shtatyndaǵy Hollıvýd qalasynda ótken boks keshinde qazaqstandyq Álı Ahmedov ekinshi orta salmaqta IBO álem chempıony tıtýlyn jeńip ala almady, dep habarlaıdy QazAqparat tilshisi.

Golovkın-Sheremeta anderkartynda ótken jekpe-jek barysynda qazaqstandyq kásipqoı boksshy, ekinshi orta salmaqtaǵy WBC International Silver chempıondyq belbeýiniń ıegeri Álı Ahmedov (16-0, 12 KO) 11 raýnd boıy ekvadorlyq Karlos Gongoradan basymdyq tanytqan bolatyn.

Alaıda, 12-raýndta ıek astynan aýyr soqqy alǵan Álı nokdaýnǵa túsip qaldy.

Degenmen, tez es jıyp, jekpe-jekti jalǵastyrǵan Qazaqstan boksshysy ekinshi márte de dál sondaı apperkottan nokaýtqa tústi.

Osylaısha, buǵan deıingi 18 kezdesýdiń barlyǵynda jeńiske jetip, 13 qarsylasyn nokaýtpen utqan 31 jastaǵy ekvadorlyq Karlos Gongora IBO álem chempıony tıtýlyn jeńip aldy.

Al Álı Ahmedov kásipqoı boksta alǵash ret jeńildi.