Álı Ahmedov armanyn oryndaǵan Golovkınge alǵysyn bildirdi

NUR-SULTAN. QazAqparat - WBC International tıtýly úshin sharshy alańǵa shyqqan Álı Ahmedov Gennadıı Golovkınge alǵys aıtty, dep habarlaıdy QazAqparat tilshisi.

Álı Ahmedov amerıkalyq Markýs MakDenıeldi jeńgen soń jankúıerleri men komandalastaryna, sondaı-aq, Gennadıı Golovkınge alǵysyn bildirdi.

«Menimen jumys istegen komandama jáne maǵan osyndaı múmkindik jasaǵan Gennadıı Golovkınge alǵysym sheksiz. Bul boks keshine tyńǵylyqty daıyndyq júrgizdim. Rıngte de bapkerimdi únemi tyńdap otyrdym. Sonyń aqyl-keńesimen qımyldadym. Qazir ózimdi jaqsy sezinemin. Ataqty Madison Square Garden alańynda óner kórsetý meniń armanym boldy. Búgin ol da oryndaldy. Maǵan jankúıer bolǵandarǵa rahmet aıtamyn!» - dedi sportshy.

Aıta keteıik, buǵan deıin jeńilip kórmegen Álı Ahmedov (14-0, 10 KO) tájirıbeli amerıkalyq Markýs MakDenıeldi (15-0, 2 KO) jeńgen bolatyn.

Al Golovkın-Rolls aıqasynyń anderkartynda sharshy alańǵa shyqqan taǵy bir otandasymyz Baqtııar Eıýbov amerıkalyq Braıan Sebaloǵa ese jiberdi.