Álı Ahmedov 25 jasqa deıingi álemdegi úzdik boksshylar reıtıngine endi
ASTANA. QazAqparat - Standingeightcount.com amerıkalyq saıty barlyq salmaq dárejesi boıynsha (pound-for-pound) 25 jasqa deıingi úzdik boksshylar reıtıngin jarııalady, dep habarlaıdy QazAqparat Vkontakte jelisindegi «Qazaqstannyń kásibı boksy» paraqshasyna silteme jasap.
Álemdegi eń úzdik 25 boksshydan qurylǵan reıtıngtiń 24-shi ornyna WBC tujyrymy boıynsha jastar arasyndaǵy álem chempıony, 23 jastaǵy qazaqstandyq Álı Ahmetov (13-0, 10KO) ornalastyrylǵan.
«Birinshi aýyr salmaqtaǵy qazaqstandyq boksshy Álı Ahmetov - bokstyń áli ashylmaǵan qupııalarynyń biri. Onyń 2019 jyly AQSh-qa qonys aýdarýy ózgeris ákelýi múmkin», - delingen materıalda.
Reıtıngtiń alǵashqy úshtigin japondyq Naoıa Inoýe (17-0, 15KO), amerıkalyq Djervonta Devıs (20-0, 19KO) jáne kún shyǵys eliniń taǵy bir ókili Koseı Tanaka (12-0, 7KO) qurap otyr.
