Alǵys kúnin merekeleý «Máńgilik El» ıdeıasy turǵysynan qazaqstandyq qundylyqtardy kórsetýi tıis - I. Berg
Qazaqstannyń «Órkendeý» nemis qoǵamynyń tóraǵasy Igor Berg QR Prezıdentiniń Jarlyǵymen bekitilgen 1 naýryzda atap ótiletin Alǵys kúni kópultty Qazaqstan úshin mańyzdy qadam bolyp tabylatynyna toqtaldy.
-Alǵys kúni - bizben kórshi turatyn halyq jaıynda oılanyp, olarǵa «rahmet» aıtýǵa múmkindik. Qazaq halqyna qıyn kezeńderde basqa ulystardy qabyldap, olarǵa kómek, járdem kórsetkeni úshin rahmet. Qazaqstannyń damýyna orasan úles qosqan eldiń basqa halyqtaryna «rahmet».
«Alǵys kúnin merekeleýdiń jańa dástúri «Máńgilik el» jalpyulttyq patrıottyq ıdeıasy turǵynsynda, jalpy tarıh pen estelik negizinde qazaqstandyq birtektilik pen birlikti nyǵaıtý men damytýda qazaqstandyq qundylyqtardy kórsetýi tıis. Alǵys kúni - bul prezıdenttik beıbitshilik pen kelisim salatanatynyń kúni, sonyń arqasynda Qazaqstan tynyshtyq pen úılesimde tirshilik etip, elde barlyq qazaqstandyqtarǵa degen ózara senim men syılastyq qalyptasqan.
Sondaı-aq I. Berg qazaqstandyqtardy aldaǵy saılaýǵa belsendi qatysýǵa shaqyrdy. «Kezekten tys saılaý ótkizý - memlekettiń jahandyq aýqymdaǵy ózgeristerge jedel den qoıý múmkindigi. Kezekten tys saılaý halyqtyń el ómirine belsendi qatysýyna múmkindik beredi. Kezekten tys saılaý - táýelsiz Qazaqstannyń zamanaýı qadamy», - dedi QR nemis qoǵamynyń tóraǵasy.
