Alǵys aıtý kúnine oraı Almaty oblysynda 200-den astam shara ótkiziledi
«Dostyq úıi» qoǵamdyq kelisim ortalyǵynyń dırektory Janat Sadekovtyń aıtýynsha, oblysymyzda 71 etnomádenı ortalyqta birlesken 103 etnos ókili turady. Olardyń barlyǵy bir aýyzdan bul mereke qazaqstandyqtardyń bir-birine degen qurmetiniń ornyǵýyna negiz bolatynyn tilge tıek etýde. Búgin Táýelsiz Qazaq eliniń ulttyq qundylyqtaryn, túrli ult ókilderiniń tatý-tátti tirligin pash etetin kórinister qoıylyp, «Asar», «Jylý», «Sarqyt», «Súıinshi» jáne taǵy da basqa dástúrler boıynsha jan-jaqty sharalar, qaıyrymdylyq jıyndar ótkiziledi dep josparlanýda.
Al, negizgi shara búgin Qaratal aýdanyndaǵy «Qazaq halqyna myń alǵys» atty monýmentke gúl shoqtaryn qoıýdan bastaldy. Aıtýly mereke oblys ortalyǵyndaǵy Іlııas Jansúgirov atyndaǵy Mádenıet saraıynda ótetin kontsertke ulasady.
