Alǵys aıtý kúni: Mýzyka zertteýshisi Zataevıch týraly jańa beınerolık jarııalandy

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev Alǵys aıtý kúnine oraı jańa beınerolık jarııalady, dep habarlaıdy QazAqparat.

Mınıstr jarııalaǵan jańa vıdeo qazaq dalasyn aralap, án-kúıin jınap, zerttegen ataqty ǵalym Aleksandr Zataevıchke arnalǵan.

«Qurmetti dostar! Búgingi rolık qazaq mýzykasynyń úlgilerin jınaýmen aınalysqan Aleksandr Zataevıch týraly. Ol jaryqqa shyǵarǵan «Qazaq halqynyń 1000 áni» jáne «Qazaqtyń 500 án-kúıi» atty jınaqtarǵa elimizdiń baı folklorlyq qazynasy men atadan balaǵa jetken asyl murasy engizilgen», - dep jazdy Dáýren Abaev Facebook paraqshasynda.