Alǵys aıtý kúni: Múmkindigi shekteýli balalarǵa kómek kórsetildi
Bashqurt ultynyń ókilderi 1 naýryz Alǵys aıtý kúnin erte toılap bastady.
Olar alǵys aıtýdy tek merekege oraı ǵana emes kúnde júzege asyrý kerek dep sanaıdy.
Búgin ortalyqta qaıyrylmylyq jármeńkesi ótti. Bashqurt ultynyń ókilderi jármeńkege qolóner, aspazdyq ónimderi, taǵy basqa ónimderi shyǵaryp, jármeńkeden túsken qarajatty naýqas bala tárbıelep otyrǵan jalǵys basty eki anaǵa qyldaı bólip berdi.
«Biz úshin Alǵys aıtý kúni taǵy bir ret bas biriktirip, pikirlesetin kún. Ótkenimizge bir saralaý jasap, búginimizdi bajaılaıtyn kún. Búgin bizdiń birlestikte Pavlodar oblysynda balalardy KamAZdan qorǵaǵan polıtsııa qyzmetkerleri keldi. Olarǵa qurmet kórsettik. Qasymyzdaǵy Ázerbaıjan ortalyǵy ózderiniń deportatsııaǵa ushyraǵan qaıǵyly ótkenin eske aldy. Olar qazaq ultynyń keńdigin aıtyp, qıyn sátte bir úzim nanyn bóliskeni úshin alǵys bildirdi. Qazaqstan nemister men kazak, káris ulty úshin ekinshi Otany dese de bolady. Óıtkeni, olar zorlyqpen kóship kelgende qushaq jaıyp qarsy alǵan qazaq ulty bolatyn. Al bashqurt ulty men qazaq qońsy qonǵan halyqtar. Bizdiń salt dástúrimiz, tarıhymyz uqsas. Biraq biz asa bir qatty aıyrmashylyqty sezbeımiz. Qazaqtar biz úshin baýyrymyz sııaqty. Alǵys aıtý kúninde kópshiligi qazaq ultyna darhandyǵy men peıiline rahmet aıtady. Burynǵy azapty tarıhyn eske alady», - dedi «Akbýzat» bashqurt etnomádenı birlestigi tóraǵasynyń orynbasary Zakır Bekmuhametov.
Onyń aıtýynsha, Memleket basshysy Nursultan Nazarbaevtyń syndarly saıasaty men halyqtyń peıiliniń arqasynda Qazaqstan jeri kóp halyqqa Otan bolyp otyr.
«Elbasy QHA tóraǵasy bolyp saılandy. Men bul organnyń jumysyn bylaı baǵalaı alamyn. Men bashqurt eliniń ókili Qazaqstanda óz tilimde sóılep, óz dinimdi ustanyp, bilim alyp, mádenıetimdi saqtaı alamyn. Jumys istep, otbasymdy asyraı alamyn. Men úshin osy eń basty jetistik. Eshkim eshkimge bul elde qysym jasamaıdy. Bolashaqta da osy birligimizdi saqtap qalaıyq degim keledi», - dedi Zakır Bekmýhambetov.
Aıta ketý kerek, jylda 1 naýryzda Qazaqstanda Alǵys aıtý kúni atalyp ótiledi.
