Alǵys aıtý kúni qazaqstandyqtardyń sezimi men kózqarasyn baıytady – Ahmed Mýradov
«1 naýryzda atalyp ótiletin Alǵys aıtý kúni qoǵamymyzdaǵy Qazaqstanǵa túrli sebeptermen – arnaıy qonys aýdyrylǵan, deportatsııalanǵan, evakýatsııalanǵan adamdardyń tarapynan aıtylǵan pikirlerge jaýap retinde bekitilgen. Qazaqstanda 130 etnostyń ókili ómir súredi jáne bul adamdardyń barlyǵy qazaq halqyna jáne ózderinen álde qaıta qonys aýdarǵan halyqtardyń ókilderine rıza. Alǵys bildirý ylǵı Qazaqsta halqy Assambleıasynyń aıasynda ǵana aıtylatyn. Assambleıa sessııalarynyń birinde Tuńǵysh Prezıdentimiz Nazarbaev Nursultan Ábishuly osy aıtylǵan pikirlerdiń bárin baıytyp, Alǵys aıtý kúnin bekitý týraly usynys jasady. Bul - barsha qazaq halqyna, bir-birine alǵys aıtý kúni», - dedi ol.
Onyń aıtýynsha, Alǵys aıtý kúni Qazaqstan halqy Assambleıasy qurylǵan 1 naýryzǵa oraılastyrylǵan. QHA1995 jyly 1 naýryza qurylǵan edi. Dál osy kúni barsha qazaqstandyq óz eliniń, halqynyń aldyndaǵy jaýapkershiligin aıryqsha sezinedi.
«Erteń, 23 aqpan kúni vaınahtardyń deportatsııalanǵanyna 77 jyl tolady. Biz 20 aqpan kúni halyqaralyq konferentsııa ótkizgen edik. Bul kúnderi keń aýqymdy qaıyrymdylyq aktsııalary jáne ózge de is-sharalar josparlanyp otyr. Osylaısha, biz birtindep Alǵys aıtý kúnine jetemiz. ıAǵnı, bir apta ishinde Eske alý kúni, vaınahtardyń qazaq halqyna, osynaý qasıetti jerge rızashylyq bildirýi oryn alady. Alǵys aıtý syndy qasıetti sezimdi bastan keshirý úshin bizge sebep jetkilikti. Onyń ústine qazaq jerinde vaınah halqynyń talaı ókili máńgilik mekenin tapqan. Alǵashqy jyldary departatsııalanǵandardyń jartysy qaza tapty. Odan keıingi jyldary da ómirden ozǵan vaınahtar kóp», - dedi Ahmed Mýradov.
