Alǵys aıtý kúni: Bir aýyldaǵy 160 úıge gaz tartqan kásipker marapattaldy
Taǵylymy mol sharaǵa Aqmola oblysy ákiminiń orynbasary Aına Mysyrəlimova, memlekettik organdardyń, eńbek ujymdarynyń, etno-mádenı ortalyqtar men birlestikterdiń ókilderi, eńbek ardagerleri jáne «Qazaqstannyń 100 esimi» jobasyna qatysýshylar, úlgili, yntymaǵy men birligi jarasqan otbasylar qatysty.
«Bizdiń úlken ortaq isimizge beıjaı qaramaı zor úles qosyp jatqan barshańyzǵa Alǵys bildiremin. Alǵys aıtý kúni -bizdiń eldiń barlyq azamattarynyń bir-birine degen syılastyǵy, ortaq tarıhymyzdy qurmetteý, ózara kómek pen qoldaý kúni», - dedi oblys ákiminiń orynbasary Aına Mysyrəlimova quttyqtaý sózinde.
Shara barysynda el birligin nyǵaıtýǵa, mádenıetaralyq qarym-qatynasty damytýǵa, qazaqstandyq patrıotızmdi qalyptastyrýǵa, aýylynyń əleýmettik məselesin sheshýge qosqan eleýli úlesteri úshin Qazaqstan halqy Assambleıasynyń «Jany jomart» qoǵamdyq altyn medalimen Esil aýdanyndaǵy «Novo-Prırechnoe» JShS dırektory Valerıı Tıýrkın marapattaldy. Osy sharýashylyqtyń arqasynda ıÝbıleınyı aýylynda 2 turǵyn úı salynyp, 160 úıge birortalyqtandyrylǵan gaz tartylǵan. Oǵan qosa, aýylishilik kóshelerge de kúrdeli jóndeý jumystary júrgizilgen.
Sonymen qatar, óńirde ultaralyq birlik pen túsinistikti damytýǵa úles qosqan 15 etnomədenı birlestikterdiń tóraǵalaryna 200 myń teńgeniń sertıfıkaty tapsyryldy.
