Alǵys aıtý kúni baýyrmaldyq pen tatýlyq merekesine aınaldy - Dáýren Abaev

ASTANA. QazAqparat - Alǵys aıtý kúni ultaralyq yntymaqty, baýyrmaldyq pen tatýlyqty aıshyqtaıtyn jyly merekelerdiń birine aınaldy. Bul týraly búgin Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Eń aldymen Sizderdi búgingi Alǵys aıtý kúnimen quttyqtaımyn. Bul kún ultaralyq yntymaqty, baýyrmaldyq pen tatýlyqty aıshyqtaıtyn jyly merekelerdiń birine aınaldy. Jas memleketimiz, máńgilik elimiz úshin qoǵamdyq kelisimniń, beıbit zamannyń quny altynnan da qymbat.

Qazaqta: «Altyn alma, alǵys al. Altyn jerdiń syıy, alǵys eldiń syıy» degen astary tereń sóz bar. Árbirińizdiń shańyraqtaryńyzǵa shattyq, otbasylaryńyzǵa amandyq tileımin. Táýelsizdigimiz tuǵyrly, eldigimiz baıandy, baýyrymyz bútin bolsyn», - dedi Dáýren Abaev vedomstvonyń keńeıtilgen alqa májilisi barysynda.

Aıta keteıik, 1 naýryz - Qazaqstan xalqy Assambleıasynyń qurylǵan kúni. Osydan tórt jyl buryn Assambleıanyń XXII sessııasynda Memleket basshyny Nursultan Nazarbaev osy kúndi «Alǵys aıtý kúni» dep jarııalaýdy usyndy.

Atalǵan sharanyń negizgi maqsaty - qazaq halqynyń ózge ulttarǵa kórsetken qamqorlyǵyn umytpaý, sol úshin rızashylyq bildirý. Qazaqstan xalqy Assambleıasynyń málimetine sáıkes, bıyl atalǵan merekeni atap ótý aıasynda respýblıka boıynsha 1 570-ke jýyq mádenı-kópshilik jáne qaıyrymdylyq sharalary ótedi. Sonyń bárine 1 mıllıon 400 myńnan astam adam qatysady degen boljam bar.