Alǵys aıtý kúni aıasynda respýblıkalyq aktsııalar ótedi
«Máselen, Qostanaı oblysynda jetim balalar men ata-ananyń qamqorlyǵynsyz qalǵan balalarǵa arnalǵan «Rızashylyq» respýblıkalyq aktsııasy ótedi. Al Shyǵys Qazaqstan oblysynda «Balaǵa kómektes!» atty qaıyrymdylyq aktsııasy uıymdastyrylady. Aktsııa barysynda saltanatty kontsert bolady. Kómekke zárý balalarǵa qarjy jınalady», - dedi Ortalyq kommýnıkatsııalar qyzmetiniń resmı ókili Murat Jumanbaı búgingi brıfıngte. Onyń aıtýynsha, shara uıymdastyrýshylary - Qazaqstan xalqy assambleıasynyń óńirlik bólimsheleri.
Aıta keteıik, 2016 jylǵy 14 qańtarda Qazaqstan Respýblıkasynyń Prezıdenti Nursultan Nazarbaev Qazaqstan halqy Assambleıasynyń qurylǵan kúni - 1 naýryzdy elimizde Alǵys aıtý kúni dep jarııalap, № 173 Jarlyqqa qol qoıǵan bolatyn. Ótken jyly qazaqstandyqtar atalǵan meıramdy alǵash ret atap ótti.
