Alǵys aıtý kúni: Almatyda «Ortaq úıimizdegi beıbitshilik pen kelisim» atty dóńgelek ústel ótti
Onlaın formatta ótken shara barysynda «Qazaqstan – bizdiń ortaq úıimiz» atty shyǵarmashyl jastardyń kórmesi uıymdastyryldy.
Dóńgelek ústelge túrli etnomádenı birlestikterdiń tóraǵalary qatysty.
«Alǵys aıtý kúni-bul óz eline, óz jerine, óziniń kishi otanyna, óz otbasyna alǵys aıtý merekesi. Bul mereke jastarǵa etnostardyń aldynda qandaı qıyndyqtar bolǵanyn jáne osy qıyndyqtardyń barlyǵyn birtutas Qazaqstan halqyna qalaı biriktirgenin jastarǵa jetkizýge kómektesedi»,-dep atap ótti QR Parlamenti Májilisiniń depýtaty Vakıl Nabıev.
Sharaǵa qatysýshylar búkil qoǵamnyń damýy úshin halyq birliginiń mańyzdy ekenin atap ótti.
«Bul merekeniń negizi men tamyryn otyzynshy, qyrqynshy jáne elýinshi jyldary ata-analarymyz salǵan. Kóptegen ekonomıkalyq, moraldyq jáne turmystyq problemalar týyndaǵan qıyn kezeńder, bizdiń ákelerimiz ben atalarymyz bir-birine kómektesý úshin bar kúsh-jigerlerin biriktirdi. Nátıjesinde biz damyǵan, jas memleket - Táýelsiz Qazaqstanǵa ıe boldyq. Osy jyldar ishinde Qazaqstan osy jerde turatyn adamdardyń dostyq ýnıversıtetine aınaldy», - dedi Qazaqstannyń grekter qoǵamynyń «Fılııa» ZTQ qaýymdastyǵynyń tóraǵasy Georgıı Iordanıdı.
Esterińizge sala keteıik, Qazaqstanda 2016 jyly QR Tuńǵysh Prezıdenti - Elbasy Nursultan Nazarbaevtyń bastamasymen Alǵys aıtý kúni 1 naýryzda, Qazaqstan halqy Assambleıasynyń qurylǵan kúni atap ótiledi.
