Alǵys aıtý kúni aqtóbelik polıtseıler eriktilerdi marapattady
AQTÓBE. QazAqparat - Aqtóbe oblysy Polıtsııa departamentiniń bastyǵy Zello Poisk eriktiler tobymen kezdesip, Alǵys aıtý kúni merekemen quttyqtady, dep habarlaıdy QazAqparat tilshisi.
Búgin qazaqstandyqtar Alǵys aıtý kúnin atap ótti. Polıtsııa departamentiniń bastyǵy Abaı Júsipov «Zello Poisk» eriktiler tobymen kezdesip olarǵa alǵys hat tabystady. Joǵalǵan adamdardy izdeýde polıtsııaǵa kórsetkeni úshin alǵysyn bildirdi.
«Zello Poisk» eriktiler toby iz-túzsiz joǵalǵandardy, atap aıtqanda kámeletke tolmaǵandar men egde jastaǵy adamdardy izdeýde polıtsııaǵa ólsheýsiz kómek berip keledi. 4 jyl boıy polıtsııa qyzmetkerleri «Zello Poisk» komandasymen tyǵyz baılanysta jáne qutqarylǵan adamdar az emes. Sizdiń jáne kúsh-jigerińizdiń arqasynda bul álem meıirimdi, qaýipsiz, baqytty bolady. Óıtkeni, eriktiler - meıirimdiliktiń, adamgershilik pen rııasyzdyqtyń naǵyz úlgisi», - dedi Abaı Júsipov.
