Alǵys aıtý kúnine arnalǵan «Araıly Atamekenim» respýblıkalyq chellendji bastaldy
ASTANA. KAZINFORM — Búgin Alǵys aıtý kúnine arnalǵan QR Mádenıet jáne aqparat mınıstrliginiń bastamasymen «Araıly Atamekenim» respýblıkalyq chellendji bastaý aldy.
Bastama qazaqstandyqtar arasynda beıbitshilik pen kelisimniń arqasynda qol jetkizgen el birligi men patrıotızmdi nyǵaıtýǵa, rýhanı damýǵa, adamdarmen jaqsy qarym-qatynas ornatyp, basqalar úshin de jaýapty bolýǵa tárbıeleıdi.
«Araıly atamekenim» chellendjine kez kelgen adam qatysa alady. Ol úshin Eskendir Hasanǵalıevtiń «Atameken» ánin qoldanyp, pikirińizdi jazyp, #AraılyAtamekenim, #ArailyAtamekenim heshtegin belgilep, áleýmettik jeli paraqshasyna jarııalaý qajet.
Odan ári estafetany dostaryńyz ben oqyrmandaryńyzǵa joldaýǵa bolady. Chellendj respýblıka boıynsha 3-naýryzǵa deıin jalǵasady.
Aıta ketý kerek, chellendjdi bastap ketkender de bar. Olar qoǵamdaǵy birlik pen kelisim, týǵan jerge degen súıispenshilikteri men mádenı erekshelikterin, dástúrleri men qundylyqtary týraly pikirin jazyp, alǵystaryn bildirip jatyr.
