Alǵys aıtý bolashaqta kúntizbedegi merekelerdiń qatarynan kórinip qalar — Rýstam Qaıryev

ALMATY. KAZINFORM — 1 naýryz — Alǵys aıtý kúni kópultty el birliginiń sımvolyna aınaldy. Mundaı pikirdi óńirlik kommýnıkatsııalar qyzmetiniń alańynda ótken baspasóz máslıhatynda «Qazaqstannyń uıǵyr jastary odaǵynyń» tóraǵasy Rýstam Qaıryev aıtty.

Ol Alǵys aıtý kúnin meıirimdilik, birlik, dostyq merekesine teńedi.  

«Bul mereke erekshe sıpatqa ıe. Ol árbir qazaqstandyq úshin qymbat. Bul meıramdy nyǵaıta túsý kerek dep sanaımyn. Kóktemniń jarqyn merekesi bolashaqta mereke kúnderiniń qatarynan kórinip qalar degen úmit te joq emes. Óıtkeni, onyń mańyzy zor», - deıdi Rýstam Qaıryev.

Resmı derekke sáıkes, megapolıste 110 ult pen ulystyń ókili turady.