Alǵashqy jeke kemeniń HǴS-qa ushatyn kúni belgili boldy
ASTANA. 6 mamyr. QazAqparat - Dragon atty alǵashqy jeke ǵarysh kemesi 2012 jylǵy 19 mamyrda Halyqaralyq ǵarysh stansasyna attanbaq, dep habarladyAgence France-Presse.
Bul týraly apparattyń qojaıyny SpaceX kompanııasynyń ókilderi málim etken. Keme Jerge 22 mamyrda qaıtyp oralýy tıis.
Dragon aparatynyń ushýy budan buryn ártúrli sebepterge baılanysty birneshe márte keıinge qaldyrylǵan bolatyn. Alǵashqyda ushyrý 2011 jylǵy qarashaǵa belgilendi. Buǵan Reseıǵarysh qarsylyq bildirip, onyń ókili «kommertsııalyq kemelerdiń qabyldanǵan qaýipsizdik normalarǵa sáıkestigin» qýattaıtyn qujattary joq ekenin alǵa tartty.
Budan keıin alǵashqy jeke ǵarysh kemesi HǴS-ǵa 2012 jyly aqpanda attanady dep málimdeldi. Bul joly Reseıǵarysh qarsylyq bildirgen joq, alaıda Dragondy ushyrý tehnıkalyq seepterge baılanysty keıingi ysyryldy. Budan keıin 30 sáýirde ushyrý josparlanǵanmen jabdyqtardy qosymsha tekserý qajet boldy. Odan keıin 7 mamyr kúni ataldy. Bul joly da jabdyqtardy tekserý úshin belgisiz ýaqytqa keıin shegerildi.
Dragon - ámbebap keme, ol júk tasymaldaýshy da bola alady, 4,2 tonna jekti jetkize alady jáne qaıtarda orbıtadan 3 tonna júk pen ushqyshtar komandasyn (7 adam) ákelýi qajet. Dragon-dy orbıtaǵa osy joba úshin arnaıy jasalǵan Falcon 9 zymyrantasyǵyshy jetkizýi tıis.
