Alǵashqy jartyjyldyqta qurylys salasynda baǵa 1,5 paıyzǵa artty- Statıstıka agenttigi
ASTANA. 9 shilde. QazAqparat - Aǵymdaǵy jyldyń alǵashqy jarty jyldyǵynda elimizdegi qurylys salasynda baǵa 1,5 paıyzǵa ósti. Budan bólek, 2013 jyldyń maýsymynda ótken jyldyń jeltoqsanymen salystyryp qaraǵanda qurylys-montajdaý jumystaryna baǵa 1,3 paıyzǵa, mashına men qurylǵylarǵa 1,4 paıyzǵa, basqa jumystar men shyǵyndarǵa 2,1 paıyzǵa ósti. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, qurylys uıymdarymen satyp alynǵan taýarly beton baǵasy birinshi jartyjyldyqta 5,1 paıyzǵa, farfor jáne qysh buıymdary 2,1 paıyzǵa, aǵash qurylys konstrýktsııalary men boıaýlar, laktar jáne soǵan uqsas jabyndar baǵasy 1,5 paıyzǵa ósti. Sonymen qatar, esepti kezeńde qysh taqtaıshalary 0,4 paıyzǵa, aǵash materıaldary 0,3 paıyzǵa qymbattaǵan. Al metall konstrýktsııalar men konstrýktsııa bólshekteriniń baǵasy 3,8 paıyzǵa, bolat jaımalary 0,6 paıyzǵa, al metall qubyrlar 0,1 paıyzǵa arzandaǵan.
