Alǵashqy jartyjyldyqta Aqmola oblysynda 43 sybaılas jemqorlyq qylmysy tirkeldi
ASTANA. 27 shilde. QazAqparat /Qanat Mámetqazyuly/ - Aǵymdaǵy jyldyń birinshi jartyjyldyǵy barysynda Aqmola oblysynda quqyq qorǵaý organdarymen 43 sybaılas jemqorlyq qylmysy áshkerelendi.
Onyń ishinde qarjy polıtsııasy organdarymen - 39, ishki ister organdarymen - 1, prokýratýra ókilderimen - 3 qylmys ashyldy. Bul týraly Aqmola oblystyq prokratýrasynyń baspasóz qyzmetinen habarlandy.
«Esepti kezeńde sybaılas jemqorlyq qylmys jasaǵany úshin 2 aýdan ákimi, 4 aýdan ákimdiginiń qurylymdyq bólimshe qyzmetkerleri, 5 ishki ister organdarynyń qyzmetkerleri, 2 qylmystyq-atqarý júıesiniń qyzmetkerleri, 2 JShS basshylary (para berýge oraı), 2 óndiristik lıtseı basshysy jaýapkershilikke tartylǵan», delingen baspasóz aıǵaǵynda.
Jalpy, alǵashqy jartyjyldyqta oblys boıynsha 75 ekonomıkalyq qylmys tirkelipti. Bul jalpy tirkelgen qylmystardyń 1,7 paıyzyn quraıdy. Qylmystar boıynsha zalaldyń ornyn toltyrý shamamen barlyq somanyń 48,4 paıyzyna teń bolyp, 219 mln. teńgeni qurady. Olardyń ishinde 179 mln. teńge ekonomıkalyq qyzmetter salasyna qatysty bolyp tabylady.
