Alǵashqy ıadrolyq soǵys qaı elderdiń arasynda tutanýy múmkin
ASTANA. KAZINFORM - Alǵashqy ıadrolyq soǵys sý resýrstary úshin Úndistan men Pákistannyń arasynda týyndaýy múmkin. BUU Sýr resýrstary, qorshaǵan orta men densaýlyqty qorǵaý ınstıtýtynyń ǵalymdary osyndaı pikirda alǵa tartady, dep habarlaıdy Rosbalt.
Olardyń pikirlerinshe, Ind ózeniniń basseıni «kez kelgen ýaqytta jarylýy múmkin bombaǵa» aınaldy. Búgingi tańda atalmysh sý ózegi klımattyq jáne demografııalq prolemalarǵa baılanysty aıtarlyqtaı tartylyp barady. Osy rette aımaqta sýǵa degen zárýlik ýaqyt ótken saıyn órshı túsýde.
Úndistan Ind ózenin sharýashylyq maqsatqa paıdalanbaý jónindegi komıssııa quramynan shyqqan soń jaǵdaı odan saıyn kúrdelene tústi. Bul qurylym 1960 jyldan beri jumys istep kelgen. Pákistan bul áreketti ózine qarsy soǵys ashý týraly málimdeme jasalǵandaı qabyldady.
Sarapshylardyń pikirlerinshe, Delı men Islamabad arasynda ómirlik máni zor máseleler boıynsha ózara yntymaqtastyqtyń bolmaýy óńirdegi áskerı qaqtyǵystardyń oryn alýyna yqpal etýi yqtımal.
«Al, Pákistan, Úndistan, Qytaı sııaqty úsh ıadrolyq alyptyń arasyndaǵy qarama-qaıshylyqtardyń uzaqqa sozylýy ıadrolyq qaqtyǵystarǵa alyp kelýi múmkin,- deıdi ǵalymdar.
