Alǵashqy medıtsınalyq kómektiń standarty bekitildi

NUR-SULTAN. QazAqparat - Qazaqstanda tuńǵysh ret medıtsınalyq bilimi joq adamdarǵa arnalǵan alǵashqy kómektiń standarty bekitildi. Bul týraly QazAqparat QR Denasaýlyq saqtaý mınıstrliginiń baspasóz qyzmetine silteme jasap habarlaıdy.

Tıisti buıryqqa QR Densaýlyq saqtaý mınıstri 2019 jyldyń 26 tamyzynda qol qoıǵan. Qujat alǵash resmı jarııalanǵannan keıin kúntizbelik on kún ótken soń kúshine enbek.

«Qıyn jaǵdaıǵa tap bolǵan adamǵa alǵashqy kómek ýaqytyly jáne durys kórsetilse, naýqasty jaraqattan aman saqtap, tipti ómirin qutqaryp qalýǵa bolady. Sondyqtan, dárigerler ǵana emes, medıtsınalyq bilimi joq azamattardyń da alǵashqy kómek kórsetýdiń daǵdylaryn ıgerýi mańyzdy. Osyǵan baılanysty halyqty shuǵyl jaǵdaıda alǵashqy kómek kórsetýge daıyndaý úshin «Qazaqstan Respýblıkasynda alǵashqy kómekti uıymdastyrý standartyn bekitý týraly» QR Densaýlyq saqtaý mınıstriniń 2019 jylǵy 26 tamyzdaǵy № 114 buıryǵy (budan ári - Standart) bekitildi», - delingen baspasóz qyzmeti taratqan aqparatta.

Bekitilgen Standart medıtsınalyq bilimi joq adamdarǵa alǵashqy kómektiń tártibi men bazalyq is-sharalaryn reglamentteıdi. Alǵashqy kómekti zardap shegýshiniń ózi de, jaqyn jerdegi basqa adam da kórsete alady. Tájirıbe kórsetkendeı, daıyndyqtan ótken adam oqys oqıǵa kezinde saýatty áreket etedi.

Dúnıejúzilik densaýlyq saqtaý uıymynyń málimeti boıynsha, álemde jyl saıyn jalpy ólimniń 10 paıyzy kólik apaty, kúıik şshalý, qulaý jáne sýǵa batý sııaqty jazataıym oqıǵalardan keledi. Múgedektiktiń de 15 paıyzy dál osyndaı oqys jaǵdaıdan bolady.

Halyqty alǵashqy kómek kórsetý daǵdylaryna úıretý úshin Ulttyq shuǵyl medıtsınany úılestirý ortalyǵy jattyqtyrýshylardy daıyndamaq. Jalpy halyqqa alǵashqy emdıtsınalyq kómek daǵdylaryn sol jattyqtyrýshylar úıretetin bolady.