Alǵashqy medıtsınalyq kómek kórsetken: Aqtóbede mektep oqýshysy zamandasyn ólimnen arashalap qaldy

AQTÓBE. QazAqparat – Aqtóbede 15 jastaǵy bozbala dostarymen sýǵa shomylýǵa baryp, ózen jaǵasyna shyǵa almaı qalǵan. Qarsy bette turǵan Qolqanat Baqqul ony ólimnen arashalap qaldy, dep habarlaıdy QazAqparat tilshisi.

Aqtóbe oblystyq TJD baspasóz qyzmetiniń habarlaýynsha, Almaty aýdanyndaǵy Elek ózenine bir top bala sýǵa shomylǵan. Onyń ishinde 15 jastaǵy bala jaǵaǵa shyǵa almaı, janynda turǵandardy kómekke shaqyryp, aıqaılady. Al ózen jaǵasynyń ekinshi betinde turǵan 16 jastaǵy Qolqanat Baqqul esh oılanbastan júzip baryp, zamandasyn qutqaryp qaldy. Tipti júregine massaj jasap, alǵashqy medıtsınalyq kómek te kórsetti. Ol №13 orta mektep oqýshysy.

«Qolqanat óziniń shapshańdyǵynyń arqasynda ózende esinen tanyp qalqyp bara jatqan 15 jastaǵy balany jaǵaǵa alyp shyǵyp, alǵashqy medıtsınalyq kómek kórsetip, qutqaryp qalady. Qazirgi tańda zardap shekken balanyń jaǵdaıy turaqty. Ol medıtsına qyzmetkerlerine tabystaldy»,- dep habarlady oblystyq TJD baspasóz qyzmeti.

Eske salsaq, taıaýda ǵana Yrǵyz aýdanynyń Qurylys aýylynda mekteptiń 2 oqýshysy sýǵa batyp ketti. Biriniń denesin aýyl turǵyndary 2 saǵattan soń tapsa, ekinshisin súńgýirler uzaq izdedi. Jalpy byltyr shomylý maýsymynda 19 adam sýǵa batyp ketti. Onyń 9-y bala. Bıyl oblysta 64 oryn belgilendi.