Alǵashqy Qazaq-túrik lıtseıiniń qurylysy týraly fılm Túrkııa prokatynda kósh bastap keledi

Týyndy 90-shy jyldary Qazaqstanǵa qonys aýdarǵan túrik januıasy jaıly jáne olardyń sol kezeńderde bastan keshken qıyndyqtary kórsetilgen. Degenmen eń basty aýyrtpalyq - Otanyna degen saǵynysh. Taǵdyrdyń tálkegine qaramastan, olar qazaq jerinde kóptegen jaqsy adamdardyń kómegin kórip, qoldaý tabady. Túriktiń otbasy ıesi qart áıelmen tanysady. Ol 40-shy jyldary Soltústik Kavkazdan bastalatyn óz januıasynyń ómirin baıandaıdy.

«Fılm bir aıdan astam ýaqyt kórsetilýde, biraq ol áli kúnge deıin toly zal jınap keledi», - deıdi Ystambul ýnıversıtetiniń halyqaralyq quqyq fakýltetinde oqıtyn qazaq stýdenti Sanjar Tursynov.

«Qazirgi ýaqytta atalmysh kıno túrik prokatynyń kósh basynda tur. Kórermender zaldan jylap shyǵady. Ómirdiń tálkegine túsken adamdardyń shynaıy oqıǵasy. Barlyǵy aqshamen baǵalanbaıdy, adamdyq qasıet birinshi orynda bolǵan, qaı ýaqytta da. Qazaqstanda qazaq-túrik lıtseıin bitirgender nemese oqyp jatqandar sany óte kóp, menińshe, olarǵa lıtseıdiń qalaı salynǵany qyzyqty bolady», - deıdi ol.