Alǵashqy qar: Nur-Sultanda bir kúnde 50 jol apaty boldy
NUR-SULTAN. QazAqparat - Avtokólik ıelerinen aýa raıynyń nasharlaýyna baılanysty joldarda abaı bolý suralady, dep jazady QazAqparat elordalyq polıtsııa departamentine silteme jasap.
Ótken táýlikte qala aýmaǵynda 50 jol-kólik oqıǵasy tirkelip, saldarynan bir adam dene jaraqatyn alǵan.
Sondyqtan Nur-Sultan qalasynyń polıtsııa departamenti júrgizýshilerdi qozǵalys kezinde barynsha muqııat jáne saq bolýǵa, jyldamdyq rejımin, qaýipsiz qashyqtyqty jáne manevr jasaý erejelerin múltiksiz saqtaýǵa shaqyrady.
Júrgizýshiler úshin eń qaýiptisi – kólik quraldarynyń tejeý jolyn uzartyp jiberetin alǵashqy qar. Sondyqtan kenetten manevr jasaýdan jáne tejegishti basýdan aýlaq bolǵan jón.
Jaıaý júrginshiler joldy kesip ótken kezde avtomobıldiń ylǵaldy jáne taıǵaq jolda tez toqtaı almaıtyndaryn eskerýleri qajet. Ózińizdi jol apatynan qorǵaýdyń jalǵyz joly – barynsha muqııat bolý jáne asyqpaý.
