Alǵashqy «qalqymaly» úı 2014 jyly salynady
ASTANA. 7 qazan. QazAqparat - Teńizderdi aýyzdyqtaýda ózderiniń shalymdylyǵyn kórsete bilgen gollandtyqtar endi qalqymaly úı salý josparyn usynýda, dep habarlady www.fainaidea.com.
Citadel dep atalatyn bul úıdiń jobasyn Waterstudio dızaın ortalyǵynda sáýletshi Koen Oltýıs pen onyń komandasy jasady. Álemdik muhıt deńgeıi kóterilýi kóptegen elderdiń úkimetterin sý tasqynynan qorǵaýǵa ınvestıtsııalar salýǵa májbúrleýde, bul oraıda jobanyń mańyzy zor ekeni daýsyz.
Citadel zamanaýı tehnologııalarmen jáne elıtalyq deńgeıde turǵyzylatyn úı bolmaq. Bul jobany kelesi jyldyń basynda júzege asyra bastaý kózdelýde, onda 60 turǵyn bólmeler bolmaq. Jeńildetilgen konstrýktsııa jerge jeńil jetýge múmkindik beredi. Kóp qabatty ǵımarattardaǵydaı onyń jaılylyǵyna basa nazar aýdarylady. Úlken, aýyr beton korpýsta sondaı-aq jertóle, avtoturaq kózdelgen. Ortalyq aýlanyń aınalasyndaǵy úıdiń 180 modýldyq elementi bolady.
Ádetten tys úı jıi sý tasqynyna ushyraıtyn Nıderlandy aýdandarynyń birinde salynbaqshy. Citadel tereńdigi 2 metrge jýyq sýda júzip turady. Qalqymaly kópir úıdi qurlyqpen jalǵastyrmaq. Arnaıy materıaldar men tehnologııalar úıdiń ylǵal tartýyna jol bermeıdi, jaılylyǵy jaǵynan onyń kádimgi úılerden eshqandaı aıyrmashylyǵy bolmaıdy.
