Alǵashqy Halyqaralyq ıoga kúnin merekeleýge mıllıondaǵan úndilik qatysty
ASTANA. QazAqparat - Búkil Úndistannyń mıllıondaǵan turǵyny Birinshi Halyqaralyq ıoga kúnin merekeleýdiń aıasynda bir ýaqytta jattyǵýlar keshenin oryndady. Bul týraly Úndistannyń premer-mınıstri Narendra Modı málimdedi.
Adamdardyń kóp jınalǵan orny - Úndistan astanasynyń ortalyǵyndaǵy Rashtrapatı Bhavan dańǵyly boldy, mundaǵy bir jarym shaqyrymdyq magıstral men onyń janyndaǵy kógaldarǵa ıogamen aınalysýǵa arnalǵan túrli-tústi kilemsheler tóselgen.
Premerdiń ózi 37 myńnan astam memlekettik qyzmetker, áskerıler, sportshylar, oqýshylar, qoǵamdyq qozǵalys ókilderimen birge 35 mınýt jattyqty. Sharaǵa sondaı-aq 152 dıplomatııalyq mıssııanyń qyzmetkerleri qatysqan.
Úndistan úkimetiniń ıoga isteri boıynsha mınıstrliginen habarlaǵandaı, sharanyń uıymdastyrýshylary Gınnestiń rekordtar kitabyna ótinim jibergen - búgin olar taza aýada bir alańda, bir ýaqytta ıogamen aınalysýshylardyń sany boıynsha álemdik rekordty jańarta aldy.
