Alǵashqy halal zerthanasy Malaızııada ashyldy
ASTANA. 19 jeltoqsan. QazAqparat - Malaızııada halal ónimderdi zertteıtin alǵashqy saraptamalyq zerthana ashyldy. muslim.kz saıtynyń jazýynsha, buǵan malaızııadyq Islamı damý departamenti muryndyq bolyp otyr. El premeriniń ókili Datýk Serı Jamıl Hır Bahar mundaı zerthananyń qajettiligine, halal sertıfıkatyn berýdegi mańyzyna toqtalyp, zerthananyń halal salasyndaǵy álemdik taldaý ortalyqtarynyń birine aınalatynyna senim bildirdi.
Sondaı-aq, atalmysh zerthananyń ashylý saltanatynda ol tilshilerge Malaızııa ekonomıkasyna halal sertıfıkatynyń tıgizer paıdasyn aıtyp berdi.
«Halal ónimderdi sertıfıkattaýǵa arnalǵan zerthananyń qorytyndysyna qatysty aqparatta múddeli taraptardyń da pikiri eskeriledi», - dedi ol.
Malaızııada halal sertıfıkatyna qol jetkizý úshin 30 kún kútýge týra keletin. Zerthana bul protsesti tezdetip, ýaqyttan utýǵa múmkindik beredi.
