Alǵashqy derbes kompıýterdi jasaýshylardyń biri Genrı Roberts dúnıeden ozdy

Onyń ulynyń aıtýynsha, tamasha ınjener-elektronshy ókpeniń qabynýynan kóz jumǵan, dep habarlaıdy «Maıak» radıosy.

Alǵashqy kompıýterdi Roberst jasóspirim kezinde jınaǵan eken. Al 1969 jyly, AQSh Áskerı-áýe kúshteriniń qatarynda qyzmet etip júrip, kompıýterdi óz betinshe qurastyrýǵa qajetti, quny nebári 350 dollarǵa túsetin "Alteır" jıyntyǵyn tanystyrǵan kompanııa qurǵan.

Ol kompıýterdiń ne ekrany, ne pernetaqtasy bolmaǵan, jady 256 baıtty ǵana quraıtyn ol apparat túrli-tústi janatyn shamdy qańyltyr jáshikke uqsas bolǵan. Oǵan málimet ekilik júıemen engizilgen, al kompıýter sóndirilgen kezde barlyq aqparat joǵalyp ketetin bolǵan.

Degenmen, bul kompıýter ınjenerlerdiń yqylasyn aýdarǵanyn, olardyń qatarynda baǵdarlamashy Pol Allen men Bıll Geıtstiń bolǵanyn aıtý kerek. Osy eki adamdy 1975 jyly "Maıkrosoft" kompanııasyn qurýǵa ıtermelegen Genrı Roberts edi.