Alǵashqy daýys bergen azamat Sáken Keńesbaıuly boldy - Almatydaǵy №482-shi saılaý ýchaskesiniń tóraıymy Elvıra Oraqbaeva
ALMATY. 3 sáýir. QazAqparat /Erlik Erjanuly/ - Almaty qalasy Áýezov aýdany Qalqaman yqshamaýdanyndaǵy №482-shi saılaý ýchaskesiniń tóraıymy Elvıra Oraqbaevanyń aıtýynsha,
búgingi aýa-raıynyń ózgerisi azamattarymyzdyń konstıtýtsııalyq quqyǵyn júzege asyrýyna kedergi bola almaıdy. Ony saılaýshylardyń belsendiliginen de anyq baıqaýǵa bolady.
«Bizdiń saılaý ýchaskesindegi eń alǵashqy daýys bergen Sáken Keńesbaıuly degen azamat boldy. Jańa kúndi izgilikti isten bastaýdy jón kórgen ol tańǵy 6-da turyp eń aldymen QR Prezıdenttiginen úmitkerlerge óz daýysyn berýge kelipti. Saılaý úderisi 7-de bastalatyn bolǵandyqtan biraz ýaqyt kútip qalǵanyna qaraǵan ol, «óz tańdaýymdy jasadym, endi alańsyz jumysqa kete berýime bolady», - dedi.
"Saılaýshymyzdyń belsendigi bizdiń de mereıimizdi ósirip tastady. Ásirese, saılaý jumysyna alǵash ret qatysyp otyrǵan men úshin bul erekshe sát boldy», - deıdi Elvıra Jetpisbaıqyzy. Onyń aıtýynsha, №482-shi saılaý ýchaskesinde jalpy 1898 saılaýshy tirkelgen. Qazirgi tańda negizinen jasy 40-tan asqan saılaýshylardyń belsendiligi joǵary bop tur. Ondaǵy saılaý úderisin qazirgi tańda Respýblıkalyq qoǵamdyq komıssııadan jáne «Nur Otan» HDP-dan kelgen 2 baqylaýshy qadaǵalaýda.
